[原創] 【淺談】 巨商八隻二轉

籐原佐為

淺談巨商八隻二轉

近日。隨住小版轉職。
巨商八隻二轉，終於玩過晒。
分享一下偶對眾二轉的看法


小賽、小花:
極度推薦將小花或小賽作為第一隻二轉。
原因 - 易練、技能範圍大、威力比較弱。
對，威力弱亦係一個優點，正因為威力弱，作為升其他二轉既踏腳石就顯得相當重要。相反，用小昌呢類一係唔扣血，打中都歸西既帥。真係唔知應該興奮定氣憤。。有經驗既玩家都知道。打冥象，封冰牆，用小花或小賽打大半既血，比另一隻衝二轉既帥"執雞"，效率相當理想。。呢個就係選之作為第一隻二轉既最主要原因
而且，即使作升兵用。善用其大範圍既技能，配合冰牆既情況下，專打暴走冥三(暴走唔一定只係象，骨同巫女都可以)，都可以升得快。不過，只限於"快"...做唔到"好快"。。

小昌:
玩巨商必轉既二轉。打王、清怪，谷戰，幾乎萬能。
可能有人會疑惑，小昌改弱左...
係，佢係改弱左，不過佢只係由之前既"極度屈機" 降級到 "屈機"。由兩三下秒象，到宜家三四下殺象。 相比起其他二轉。一哥地位都仲係穩如泰山。而且，要輕易做到讀秒之內打完冥象、冥使(不論大細場)，應該就只有小昌做到。。
基本上，有小昌以後，再轉任何將帥都可以隨意選擇。不需再煩惱清怪組合問題。小昌一隻，足夠你浪蕩巨商，橫行無忌 (ps. 當然，只限你識用小昌^^")

小寧:
用途只有一個。"打怪加速器"
一隻對冰牆極度依賴的二轉。除左係pk 場可以向對手施加點壓力外，清怪也是比較勉強。要單獨作戰的話，幾乎不可能。當然，如果你認為放冰牆，等冥象慢慢爬近，再用上十多秒槍殺冥象是一件樂事的話，即管將佢選為第一隻二轉。不過，如果配合其他清怪型二轉的話，作為"加速器"，則絕對無愧。
作為輔攻的打法。一入戰，變身，補魔。一般可以在冥象近接時打掉兩隻 (偶的最高記錄是四隻^^" 讀秒還是在10 秒左右)。其餘的，大多都傷重。偶的經驗是，以小臣作主攻，有小寧跟沒小寧的打怪速度，大約相差5秒左右。。如果你認為5秒不是甚麼大問題，建議不轉小寧^^"
另一個問題是。小寧是點敏好，還是點力好。。
個人認為，小寧的命中跟敏沒多大關係，因為偶的小寧在破百 lv 以後，命中是大大的提升-.-" 何況，以一隻用作"加速"的將帥來說，加力是理所當然的吧.....

小臣:
第一個感覺是好玩。其次係 威力強勁、光影醉人、聲效出眾、動人心魄，泌人心脾，感人肺腑、賺人...咳咳，不好意思，跑題了。言歸正傳，這將是不容小看的。 只要靠上冥象，加上你手指按得快，一般在三四秒之間，冥象就可以歸西了.....具體要用幾多下可以殺象，這個我應該是最沒資格說，雖然我深知係 5 下，不過我一般會連按到最少 12 個技能-.-"因為實在太刺激啦。要做要"倒水"既速度，5下，要做到瀑布的話，10下。如果你想感受一下"銀河飛瀉三千里"的波瀾壯闊，12下，要更上一層樓的話，麻煩換過第二隻怪，因為冥象在你按下第12下同時，已經一切如煙.....
如果硬要說小臣有甚麼缺點的話，那就是範圍細了一點.....不過，假如範圍改大一點的話，打巨商也沒多少意思，過分變態的二轉，不耐玩，正所謂無敵是最寂寞-.-'

小燕:
對轉小燕這個問題。
到底是小燕一轉好用，還是小燕二轉有用...
個人認為，以宜家巨商現存既怪黎講，殺傷力十分有限，有否冰牆根本不成問題。如果係未出少林寺既情況下，閣下依然需要依賴冰牆，只有兩個可能，其一: 你未有二轉，或只有李寧一個二轉，需要冰牆的輔助。其二: 你還是嫩。。  換句話來說，放棄冰牆，是真正踏入戰商的第一步。 一個戰商，講求的不是戰力，而是你清怪的速度。 一個數十萬戰，要分幾鍾先清完一隊冥象的帳號( 在衝二轉的情況不包括在內=.=" )，請你別跟我說這是個戰商號。 依賴冰牆，無疑係可以輕易的清怪，但相對地必須付出的時間。只有直上，跟冥象、冥使、炎王，面對面的交手，才可以做到快，所以，如果你有小昌，不用怕，把小燕配上二轉車。踏出戰商的第一步。。
至於威力，不容置疑，秒怪能力只屈居於小昌、小臣之後。 600力，三下可以秒冥象同冥船(所以配點應以600魔為一單位)。我夠膽講，小燕係冥船既第一號殺手。如果係打冥4既話，配上小燕二轉，係閣下不二之選。
以上都只係轉小燕係為左放冰牆既情況，如果閣下一直只用以補mp的話，那不好意思，冒犯了。。

小許:
第一個印象係用以秒王一流。
不過，許多人以小許為第一隻二轉。這個偶十分不解。小許沒帶兵升的能力，沒清怪的能力，沒打暴走的能力。純粹只用以打王的二轉，以之作為第一隻二轉，實在有點不智，何況，係頭果幾十lv，秒王的能力不是十分明顯 ( 閣下天生異能，技術一流，控兵如神的情況下例外 )。低血、少力，根本就無以作為.....
作為點綴式的秒王工具，極好。
不過以之作第一隻二轉，則免。
當然，技術過人的玩家例外。


小版:
貴族級的二轉。且不論威力如何。可以轉到小版二轉，絕對係對玩家耐性既一個肯定。漫漫1700多萬的經驗值，也不是一時三刻可以湊夠的....
對於小版的威力這個話題，講真果句。佢相比起小昌、小臣，可以話係廢既。不過如果閣下打巨商只係為左清怪能力，強烈建議你不要考慮小版。不過，如果閣下打機係為左打機既話，小版絕對係值得轉。 技能型、大頭照型，就連架車車都型。 每一次登入巨商，見到小版二轉，都有莫名的滿足感。巨商最難轉既一隻二轉，都已經轉到。果種成就感，只可以講句，非筆墨所能形容......

總絡以上各點。
只為各位選帥時作一點參考。
言語錯漏之處，多有得罪，還望各看倌海涵。

ps. 如有轉貼。請註明由  Oo凰oO 原創。
ps. 籐原佐為已賣。 現為 商二 風捲殘樓

[ Last edited by 籐原佐為 on 2006-5-26 at 06:44 PM ]

這帖子是由 ...Illusions* 管理人員從 =巨商 官方認可= 版塊移動到 =【巨商】兵種使用、搭配及加點討論區= 版塊的

籐原佐為

Originally posted by NeojulianEX at 2006-4-13 12:35:
文章是太好了,想讚又不知如何說好,意見又不懂得俾
實在是難得一見的好文,是主觀文嗎?

主觀文。
總覺得太客觀的事實，有點像廢話^^"

這帖子是由 ...Illusions* 管理人員從 =巨商 官方認可= 版塊移動到 =【巨商】兵種使用、搭配及加點討論區= 版塊的

籐原佐為

[quote]Originally posted by 小雲豹 at 2006-4-13 12:37:
反對

籐原佐為

Originally posted by [H]81527 at 2006-4-13 14:10:
其實我想問寧2點樣可以加快臣2既清怪速度..?
用臣2通常都係沖出去放6下技收工(我果隻要6下先清到-___-"~)
就算寧係d象黎之前打死4隻象都好
都應該有幾隻未扣過血
咁樣隻臣都要放6下技清象..
無聊問下.. ...

因為小臣既範圍太細，
如果可以打少幾隻，
咁小臣就可以打埋有剩果d，
又唔會因為d象塞死左，而令招技扣唔到遠果d象。
加上，李寧打邊d象，你可叫佢打，
例如只係打遠處果d。
大約咁上下啦。。

另外，也多謝大家的支持。
太多回覆，偶沒能一一的回，不好意思，
簡單回一下樓上朋友的問題。

偶沒有刻意貶低小許的意思。
小許是一個強將。只是不好操控，而且初時血量太少，秒王有一定難度。
後期當然會是一個令人滿意的將，只是在新上手時難免有"難度" 就這樣而已。

小寧作用輔攻的加法，主要是點力，敏可以唔加，加血或少量的魔也可以。
沒多大問題。偶的加法是 700 力。 其餘的都隨意~

偶打字比較慢。打這篇文章用了不少時間，在構思上則沒花多少。只是說心中的話，至於某些朋友認為偶的文筆好，那真是太過譽了.......

[ Last edited by 籐原佐為 on 2006-4-13 at 02:50 PM ]

這帖子是由 ...Illusions* 管理人員從 =巨商 官方認可= 版塊移動到 =【巨商】兵種使用、搭配及加點討論區= 版塊的

籐原佐為

Originally posted by 一七八 at 2006-4-13 17:23:
半書面半口語...後來更用偶代我
我就是我,用甚麼偶...

看得出樓主很不喜歡冰牆,為什麼呢?

半書面半口語...後來更用偶代我
我就是我,用甚麼偶...

這個嘛。 因為"偶"比"我"更型，這只是習慣的問題。
正如北方人會用"俺" 、 "酒家"。
用甚麼形式表達，"偶" 有自由吧 ?

之前我都很愛冰牆的....
放冰的技術也頗以自負。
不過放冰的話，清怪太慢。
僅此而已

這帖子是由 ...Illusions* 管理人員從 =巨商 官方認可= 版塊移動到 =【巨商】兵種使用、搭配及加點討論區= 版塊的

籐原佐為

Originally posted by 一七八 at 2006-4-13 20:08:


我都覺得係型D,不過半書面半口語就怪怪地
因為我都成日犯呢個錯誤,所以提提你

但如果冇冰牆,打一D行得較快而又幾堆既時間
唔用冰真係幾難打...好似一入入七八堆惡熊咁...
咁當然你可能話打冥界先算係強 ...

如果小昌控得好。加上一開始位置係"守角"既話。
根本打咩、打幾多，都唔會存在任何問題,,,,
冰牆對小昌黎講，只係錦上添花....
對小臣黎講更加係"多餘".....

Originally posted by (jack) at 2006-4-13 22:08:
我想問浚2 佢12點是最強
咁,我想問浚2       1點-11點既攻擊力是12點既幾分之幾?
希望有人明我up乜= =

我只係知道只係 12點鍾方向可以秒王，其他都冇威力.......

[ Last edited by 籐原佐為 on 2006-4-13 at 10:18 PM ]

這帖子是由 ...Illusions* 管理人員從 =巨商 官方認可= 版塊移動到 =【巨商】兵種使用、搭配及加點討論區= 版塊的

籐原佐為

Originally posted by ★白羊座♂ at 2006-4-13 22:22:
真係好好 可唔可以講埋打咩怪升,最快/最慢要升幾耐thx

呢個問題嘛...........
人人兵陣唔同，打法唔同，技術唔同。好難講。。

這帖子是由 ...Illusions* 管理人員從 =巨商 官方認可= 版塊移動到 =【巨商】兵種使用、搭配及加點討論區= 版塊的

籐原佐為

偶的簽名檔有加點睇。。

[color=red]這帖子是由 ...Illusions* 管理人員從 =巨商 官方認可= 版塊移動到 =【巨商】兵種使用、搭配及加點討論區= 版塊的[/color]

籐原佐為

Originally posted by ＿牙偉 at 2006-4-13 23:17:
想問樓主如果入了6隊象而入戰又企定邊位..
你會放冰還是不放?
如果不放你會否用大孫會停在前方給冥象來齊才出技還是冥象一來便放技呢？

唔放冰。
先到的冥象，讓小燕二轉或小臣二轉撿了算，
小昌用以打大堆的。

這帖子是由 ...Illusions* 管理人員從 =巨商 官方認可= 版塊移動到 =【巨商】兵種使用、搭配及加點討論區= 版塊的

籐原佐為

Originally posted by NeojulianEX at 2006-4-13 23:21:

mp足夠的話可用臣2慢慢清(昌也可吧)
反之冥巫會更可怕
要是有隻石娃娃就甚麼都不用怕了

嗯嗯。
簡直認為巫女比冥象強=.="

這帖子是由 ...Illusions* 管理人員從 =巨商 官方認可= 版塊移動到 =【巨商】兵種使用、搭配及加點討論區= 版塊的